الهيضل اقدم امارات عتيبة وله العطفة والدرمه واول دعاة شيوخ عتيبة للدعوة السلفية

08-19-2011, 02:38 AM

اقتباس:

المشاركة الأصلية كتبت بواسطة جمل المرشدي

الهيضل فروسيته وامارته قديمه لكن مايكف ويشمل صعب إثباته
حتى الحمده ماكفو كافة عتيبه
ولا الامارة والفروسية في برقا ماينكرها الا غشيم وردي حظ

الشيخين الوحيد اللي تجمعت عليهم عتيبه في نجد هم الشيخ تركي بن حميد والشيخ ومحمد بن هندي رحمة الله عليهم.

وفالحجاز كانو يوم يلفون على الحاكم شيوخ عتيبه كان يتقدمهم إبن هليل رحمة الله عليه.

09-02-2011, 07:49 PM

اقتباس:

المشاركة الأصلية كتبت بواسطة درع

ونعم بالهياضل وقبيلة الدعاجين الاد مفلح

يقول الشاعر ابن جعيثن في قصة الهدلق المشهورة

لاصرت عن شيل المواجيب عجزان***ادخل على برقا ويفكك مناحي
اما بجاهه مع طليـقـين الإيمان *** ولا ابضرب مذلفات الرماحي
ومناحي الهيضل
وهم كما قيل اول من تمشيخ على برقا وعتيبه في الحجاز كما قيل في التراث

سلمت يادرع والله يبيض وجهك
وهذا تاريخ ولايمكن ان يجدد إلا بطمسه والعبث به
شرفني مرورك

09-02-2011, 08:08 PM

اقتباس:

المشاركة الأصلية كتبت بواسطة عنتر بن شداد

ونعم بالهيضل والدعاجين وبعتيبه كلها

وبيض الله وجهك ياالدعجاني

ماعليك زود اخوي عنتر بن شداد
تشرفت بمرورك الله يطول عمرك

09-02-2011, 08:25 PM

اقتباس:

المشاركة الأصلية كتبت بواسطة عالي العالي

وهذه الشي من وجهة نضري إلا الأن محد يقدر يثبت أقدم شيخه في عتيبه وهذه بسب بعد الزمن وقلة المصادر اللي حصلو عليها الباحثين ............. هناك امارات قديمة جدا اندثرة واختفت لولا بعض المصادرالقديمة التي حفظت لناذكرها مثل امارة ابن هنيدس وابن منيع الزلامي والهيضل وابن ربيعان وابن هليل والعقيلي
ولاهنت على النقل

يالعالي عليك بالسؤال من أول شيخ في عتيبة اخذ الدرمة والعطفة هو كما هو معروف الهيضل وبعده الشيخ أبو رقبة النفيعي ثم البراق اللي منهم الرباعين الروقه الآن
هيضلِ ماهو تلاميس العلـــوم= ترث بانِ البيت عزّال الجهــام
والهيضل امارته في الحجاز وحول لنجد وفروسيته في الحجاز ونجد ولا اللي تذكرهم زبنوا في الحجاز ولا شالتهم رجلينهم يحولون ويطاردون خيل القوم ويجلون القبائل عن نجد وهذا يدل ان شيختهم على ربعهم فقط !
شرفني مرورك

09-15-2011, 06:33 AM

اقتباس:

المشاركة الأصلية كتبت بواسطة الحمراني

والله ان العقيلي اقدم واخذ الدرمة وحماية الحجاج قبل الهيضل بفروسيته ومنعته بالاد عاصم وقلتها لمصخر الجن من قبل
واظني اثبتها في موضوع سابق من غير انتقاص في شيوخ عتيبه كلهم
والهيضل والعقيلي خال وبناخي وعينين في رأس << يبي يفتك من مقاشر مصخر الجن والدعاجين ههههههه
لاعدمناك ولا عدمنا جديدك

مالك لوا يالحمراني ولا تحلف على شي ماوقفت عليه ولا انت متأكد منه وانا اخوك والعقيلي قضيته مع خاله معروفه وهي من الشواهد الكبيرة ان امارة الهيضل قبله وسببها الدرمة اللي تعطى للهيضل حامي الحجاج بعد الله في نجد والحجاز ويشهد بذلك الشريف قبل الدولة السعودية الأولى وقبل الاتراك وغيرها وأنا اشهد ان العقيلي اقدم من العلوات بدهور في العصمة لكن على برقا وعتيبه لا يالحمراني والتاريخ واضح شفهي ولا مخطوط
والدعاجين سمحين خطر ولا يمهم نية قشر هههه
شرفني مرورك فلك الشكر

09-17-2011, 03:07 AM

يابعد كل طوائفي والله ياولد العم ماشاء الله مع ان الموضوع منقول لكن ردودك تدل على سعة اطلاع
واصل فديتك وترى الاختلاف مايصل للخلاف والتباغض والانتصار للنفس يالحمراني ويالدعجاني وغيركم
مجرد حوار وتباحث لا اكثر
لاخلا ولا عدم

09-18-2011, 01:53 AM

رائع مانقل هنا وإن لم يتفِقَ عليه الكثير كما جرت العادة
في مثل هذا النقل وتراثنا حاضرا في مجالسنا وإن تعددت رواياته ونقولاته
جزيل الشكر لجهدك وكريم خصالك ودماثة اخلاقك مع الآخرين

10-10-2011, 10:29 PM

اقتباس:

المشاركة الأصلية كتبت بواسطة ماجد العطاوي

ونعم بكل فرسان وشيوخ عتيبة في الحجاز ونجد
ولكن تبقى كلها روايات لعامة الناس
ولا يوجد ما يثبت ذلك
مع كامل التقدير وألإحترام لمن ذكر في هذا الموضوع والمواضيع السابقة
كل الشكر للدعجاني

كيف روايات بدون اثبات ؟
ننقل لك من ام الكتب والمخطوطات التي ذكر فيها وتقولون مافيه شي يثبت
على العموم لن تقدم اراء الناس اليوم وبعضهم لايعرف جده السادس من يكون
ولا يهمنا ذلك الأهم ان نرد على كل من يخوض في مايجهل ونعلمه ونوضح للآخرين دجل كل مزيف
شرفني مرورك فلك الشكر